ᕿᒪᑦᑕᐃᓕᒃᑭᑦ ᐅᑭᐅᖅᑕᖅᑐᒥ ᐃᖅᑲᓇᐃᔭᖅᑏᑦ

ᐃᖅᑲᓇᐃᔭᖅᑎᐅᕗᒍᑦ ᐅᑭᐅᖅᑕᖅᑐᒥ. ᓄᓇᓕᓕᒫᓂ, ᐃᖏᕐᕋᑎᑦᓯᔨᐅᕗᒍᑦ. ᓴᙱᓂᖅᓴᓂᒃ ᓴᐳᒻᒥᔭᐅᔾᔪᑎᖃᕆᐊᖃᕋᓗᐊᖅᑐᒍᑦ, ᑭᓯᐊᓂ ᒫᓐᓇᐅᔪᖅ, ᐅᑭᐅᖅᑕᖅᑐᒥ ᐃᖅᑲᓇᐃᔭᖅᑏᑦ ᕿᒪᑦᑕᐅᕙᓪᓕᐊᓕᕐᒪᑕ. ᐃᑲᔪᖅᑕᐅᔭᕆᐊᖃᕋᑦᑕ ᐃᓕᓐᓄᑦ ᑕᒪᓐᓇ ᐊᓯᔾᔨᖁᓪᓗᒍ.

ᐊᑐᓂᑦ ᐅᑭᐅᖅᑕᖅᑐᒥ ᐊᒡᒍᑐᖅᓯᒪᔪᓂ, ᒐᕙᒪᒃᑯᓐᓂᑦ ᑎᓕᐅᕆᕗᒍᑦ ᐱᔪᓐᓇᐅᑎᖃᖁᓪᓗᑕ ᐃᑉᐱᒍᓱᑦᑎᐊᖁᓪᓗᒋᓪᓗ. ᓄᓇᕗᒻᒥ, ᓵᙵᔭᖃᕋᑦᑕ ᐸᕝᕕᓴᑦᑕᐅᓂᕐᒥᒃ ᐊᒻᒪᓗ ᑭᒃᑯᑐᐃᓐᓇᕐᓂᒃ ᐊᔾᔨᒌᒃᑎᑦᑎᓂᕐᒥᒃ. ᐃᓕᓐᓂᐊᖅᑎᑦᑎᒃᑲᓐᓂᖁᔨᔪᒍᑦ ᑭᒃᑯᑐᐃᓐᓇᕐᓂᒃ ᐱᐅᙱᑦᑐᓕᓂᕐᒥ ᐸᕝᕕᓴᖃᑦᑕᕐᓂᕐᒥᓪᓗ ᐊᑦᑕᓇᙱᑦᑐᓂ ᐃᖅᑲᓇᐃᔭᕐᕕᖃᖁᓪᓗᑕ ᐃᒃᐱᒍᓱᑦᑎᐊᕐᓗᑕᓗ. ᓄᓇᑦᓯᐊᕐᒥᓕ ᐃᖅᑲᓇᐃᔭᖅᑎᑭᒃᓴᕋᑦᑕ ᑕᖃᒪᓗᐊᓕᖅᑐᑕᓗ. ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᑮᓇᐅᔾᔭᒃᓵᖏᑦ ᐊᖑᒻᒪᑎᖁᓪᓗᒋᑦ ᐊᒻᒪᓗ ᓴᐳᔾᔭᐅᓯᒪᑦᑎᐊᕐᓂᖅᓴᐅᖁᓪᓗᒋᑦ ᐃᖅᑲᓇᐃᔭᖅᑎᑖᕋᓱᐊᕐᓂᖅ ᐃᖅᑲᓇᐃᔭᖅᑎᖃᐃᓐᓇᕐᓂᕐᓗ. ᔫᑳᓐᒥ, ᐃᖅᑲᓇᐃᔭᑲᐃᓐᓇᖃᑦᑕᖅᑐᑦ ᐱᕚᓪᓕᕈᑎᑦᓴᑖᖅᐸᒐᑎᒃ ᐅᕝᕙᓘᓐᓃᑦ ᓴᐳᒻᒥᔭᐅᔾᔪᑎᖃᕋᑎᒃ ᐊᑐᖅᑕᐅᕙᓪᓕᐊᓕᕐᒪᑕ ᑭᖑᕝᕕᖅᑕᐅᓪᓗᑎᒃ ᑲᑐᔾᔨᖃᑎᒌᓄᑦ ᐃᓚᐅᕕᓕᓐᓄᑦ ᐃᖅᑲᓇᐃᔭᖅᑎᓂ. ᓴᐳᒻᒥᔭᐅᑦᑎᐊᒃᑲᓐᓂᖁᓪᓗᒋᑦ ᐃᖅᑲᓇᐃᔭᑲᐃᓐᓇᖃᑦᑕᖅᑐᑦ ᐃᖅᑲᓇᐃᔭᖅᑎᓕᒫᑦ ᐃᑲᔪᖅᓱᖅᑕᐅᑦᑎᐊᖁᓪᓗᒋᑦ ᒪᑭᒪᑦᑎᐊᖁᓪᓗᒋᓪᓗ ᐃᖅᑲᓇᐃᔭᑦᑎᐊᕈᓐᓇᖁᓪᓗᒋᑦ.

ᑕᒪᐃᓐᓂ ᐱᖓᓱᓂ ᐅᑭᐅᖅᑕᖅᑐᒥ ᐊᕕᒃᑐᕐᓯᒪᔪᓂ, ᑐᒃᓯᕋᖅᑐᒍᑦ ᐃᖅᑲᓇᐃᔭᖅᑏᑦ ᐃᓇᖏᖅᑕᐅᑐᐃᓐᓇᖃᑦᑕᖁᓇᒋᑦ ᒪᓕᒐᕐᒥᒃ. ᐊᒥᓱᑦ ᐊᓯᖏᑦ ᐃᖅᑲᓇᐃᔭᖅᑏᑦ ᑲᓇᑕᒥ ᐱᔪᓐᓇᕐᓂᖃᖅᐳᑦ ᓇᖏᖅᓯᔪᓐᓇᕐᓂᕐᒥᒃ ᐱᔪᓐᓇᐅᑎᒥᓂᒃ ᓄᖅᑲᖓᑲᐃᓐᓇᕐᓂᒃᑯᑦ ᐃᓱᒫᓗᙱᓪᓗᑎᒃᐃᖅᑲᓇᐃᔮᖏᑦ ᓯᖏᑕᐅᓂᐊᕐᓂᖏᓐᓂᒃ. ᑭᓯᐊᓂ ᐅᑭᐅᖅᑕᖅᑐᒥᐅᙱᑦᑐᖅ. ᐅᑭᐅᖅᑕᖅᑐᒥ ᐊᒡᒍᑐᖅᓯᒪᔪᓂ ᒐᕙᒪᐅᔪᑦ ᓄᖅᑲᖅᑎᑦᑎᔭᕆᐊᖃᖅᑐᑦ ᐊᑐᖅᑕᐅᖃᑦᑕᖁᓇᒋᑦ ᐃᓇᖐᖅᓯᔩᑦ ᓄᖅᑲᖓᑲᐃᓐᓇᖅᑎᓪᓗᒋᑦ. ᑕᐃᒫᒃ ᓴᙱᓂᖅᑖᖅᑎᑉᐸᕗᑦ ᐅᑭᐅᖅᑕᖅᑐᒥ ᐃᖅᑲᓇᐃᔭᖅᑎᑦ ᐋᔩᖃᑎᖃᕈᓐᓇᖁᓪᓗᒋᑦ ᑭᓱᓂᒃ ᐱᔭᕆᐊᖃᕐᒪᖔᑕ ᐱᔨᑦᓯᕋᐅᑎᓂᒃ ᑕᑎᒋᔭᐃᓐᓇᕆᕙᑦᑕᑎᓐᓂᒃ.

ᐅᓂᒃᑳᖅᓯᒪᔭᕗᑦ ᑕᕐᕆᔭᓕᐊᒥ ᐊᑖᓃᑦᑐᖅ. ᐅᑭᐅᖅᑕᖅᑐᒥ, ᐊᒥᓱᐊᓗᐃᑦ ᕿᒪᑦᑕᐅᒍᓐᓇᕐᒪᑕ, ᐱᖃᑕᐅᓪᓗᑎᑦ ᑲᑉᐳᑎᕖᑦ ᐅᐃᒍᖏᑦ, ᐳᐊᓗᐃᑦ ᐊᓪᓛᑦ ᑲᒥᒃ. ᕿᒪᐃᑦᑕᐅᑦᑕᐃᓕᑎᒃᑭᑦᑕᐅᖅ ᐅᑭᐅᖅᑕᖅᑐᒥ ᐃᖅᑲᓇᐃᔭᖅᑏᑦ.

ᐃᓚᐅᒋᑦ ᐅᕙᑦᑎᓐᓄᑦ, ᑎᑎᖅᑲᒥᓪᓗ ᐊᐅᓪᓚᑎᑦᓯᓗᑎᑦ ᐅᓪᓗᒥ.

ᓇᓗᓇᐃᖅᓯᔾᔪᑎ: ᐊᒥᓲᓂᖅᓴᐃᑦ ᖃᕋᓴᐅᔭᒃᑯᑦ ᑎᑎᖅᑲᒃᑯᕕᑎᒍᑦ ᑎᑭᓐᓂᐊᖅᑐᑦ ᐃᓚᒋᔭᐅᑎᓪᓗᒋᑦ ᑖᔅᓱᒧᖓ ᐅᔾᔨᕈᓱᑦᑎᑦᓯᒋᐊᕐᓂᕐᒧᑦ ᖃᓪᓗᓈᑎᑑᖓᓂᐊᖅᑐᑦ. ᐊᑏ ᖃᐅᔨᒋᐊᑲᐅᑎᒋᓗᑎᒍᑦ ᐅᕗᖓ Yellowknife_REVP@psac-afpc.com ᐅᖃᐅᓯᖅ ᐊᕝᕕᐊᕈᑎᐅᒍᓂ ᓇᓂᓯᓂᐊᖅᑐᒍᑦ ᖃᓄᖅ ᑐᓴᐅᒪᒋᐊᕈᑎᑦᓴᓂᑦ ᐃᓄᒃᑎᑐᑦ.